15 Eylül 2009
 

Ya resûl-i fahr-ı alem seyyid ü zât-ı sıfât
Bahr-ı zâtın gevherisin hem sıfatın ayn-ı zât

Kuvvet-i zât-ı ezel da’im seninle mistâkim
Hikmet-i dârü’l-ebed kâ’im sanadır muhkemât

Mazhar-ı sırr-ı dekâ’ik matla’-ı nûr-ı ezel
Mâ den-i sırr-ı hakâ’ik menbâ-ı her mu’cizât

Ahmed ü Mahmûd u Kasım şâh-ı sultân-ı rusul
Künkü kenz in ma’deni hem keşf-i hall-i müşkilât

Vasfına ve’ş-şemsü ve’n-necmü tebârek söyledi
Şanına tâhâ ve yâsîn geldi Haktan beyyinât

Sûretin envârına her zerresi şems ü kamer
Turra-i anber-feşânın leyletü’l-Kadr ü Berât

İzz ü ikbâlinden ötrü oldu terkîb-i cihân
Yer ü gök ins ü melâ’ik asl u fer’ u kâ’inât

Cevheri deryâ-yı aşkın katresindendir yakîn
İsm ü resm ü fevk u dört tabâyi şeş cihât

Ey mutahhar geldiğin demde vücûda anadan
Kâfirin deyri yıkıldı titredi Lât ü Menât

Her iki imânın yakîn etti sana ey pâk-i dîn
Lâyezâl oldu hemişe câvidan ender hayât

İlm ile hilm ü hayâ vü tevbe vü zühd ü verâ
Halka fazlından irişti rûze vü hacc ü zekat

Mü’min-i sâdık muvahhid cân-feşân oldu sana
Gerçi müşrik şüpheden pâk olmadı ol bî-sebât

Yâ şefî’ul-müznibîn rahm et Nesîmîye bu gün
Hâsılım iki cihânda sensin ey pâkîze-zât